唐伯虎點秋香
1993年香港喜劇電影
《唐伯虎點秋香》為1993年7月在香港首映的喜劇電影，由周星馳主演，蕭若元監製，李力持導演，陳文強、谷德昭、李力持編劇。
語錄
編輯敲桌子打椅子的數白欖
編輯- 稟夫人，小人本住在蘇州嘅城邊，家中有屋又有田，生活樂無邊。點知個唐伯虎，佢橫蠻不檢點，勾結官府目無天，巧取豪奪我家田。我阿爺同佢翻面，慘被佢一棍來打扁，我阿嫲鬧佢欺善，更被佢捉了去唐府，強姦了一百遍，一百遍！最後仲懸樑自殺慘無邊，佢還將我父子，逐出了家園，流浪到江邊，我為求養老父，只有獨自行乞在廟前，點知個唐伯虎，佢實在太陰險 ，知道此情形，竟派人來暗算，把我父子狂毆在市前！小人身壯健，殘命得留存，可憐老父佢魂歸天，此恨更難填，我為求葬老父，唯有賣身為奴咁作賤，一面勤賺錢，我一面讀書篇，發誓把功名顯，手刃仇人意志堅，從此唐寅詩集伴身邊，我銘記此仇不共戴天！
- 國語版：
- 稟夫人，小人本住在蘇州的城邊， 家中有屋又有田，生活樂無邊。 誰知那唐伯虎，他蠻橫不留情， 勾結官府目無天，占我大屋奪我田。我爺爺跟他來翻臉，慘被他一棍來打扁，我奶奶罵他欺騙善民，反被他捉進了唐府， 強姦了一百遍，一百遍，最後她 懸樑自盡遺恨人間。他還將我父子，逐出了家園，流落到江邊。我爲求養老爹，只有獨自行乞在廟前。誰知那唐伯虎，他實在太陰險 知道此情形，竟派人來暗算，把我父子狂毆在市前，小人身壯健，殘命得留存，可憐老父他魂歸天！此恨更難填。爲求葬老爹，唯有賣身爲奴自作賤， 一面勤賺錢，一面讀書篇， 發誓把功名顯，手刃仇人意志堅！ 從此唐寅詩集伴身邊，我銘記此仇不共戴天！！！
對對子
編輯- 一鄉二里共三夫子，不識四書五經六義，竟敢教七八九子，十分大膽！
- 十室九貧，湊得八兩七錢六分五毫四厘，猶且三心兩意，一等下流！
- 圖畫裏，龍不吟虎不嘯，小小書僮可笑可笑。棋盤內，車無輪馬無韁，叫聲將軍提防提防。
- 十口心思，思君思國思社稷。八目尚賞，賞花賞月賞秋香。[註]
- 鶯鶯燕燕翠翠紅紅處處融融洽洽。雨雨風風花花葉葉年年暮暮朝朝。
- 我上等威風，顯現一身虎膽。你下流賤格，露出半個龜頭。
- 冚家剷泥齊種樹，汝家池塘多鮫魚，魚肥果熟嫲撚飯，你老母兮親下廚。
- 國語版：
- 你家墳頭來種樹，汝家澡盆雜配魚，魚肥果熟入我肚，你老娘來親下廚！
- 對對本為消遣作樂，今日穿腸兄居然對到嘔出十九幾兩血，可謂空前絕後，小弟佩服佩服！
- 古惑仔版：
- 你他媽家裏種西瓜，他媽家裏養泥鰍；西瓜大我勒泥鰍肥，他們全家吃完死光光。
註：國語版為「八目共賞」，此兩句原本結構是把「思」字和「賞」字拆開
小強
編輯- 小強！小強你點啊小強！小強你唔好死啊小強！我同你相依為命同甘共苦咗咁多年，已經當你係親生骨肉噉供書教學，估唔到今日白頭人送黑頭人啊……
- 國語版：
- 小強！小強你怎麼了小強？小強你不能死啊！我跟你相依為命、同甘共苦了這麼多年，一直把你當成親生骨肉一樣教你養你，想不到今天白髮人送黑髮人......
武狀元
編輯- 新仔！由今日開始你就係華府低等下人，9527就係你嘅終身號碼，開始做嘢！
- 呢啲先叫「畫」！
對話
編輯燒雞翼
編輯- 粵語版：
- 唐伯虎：燒雞翼我鍾意食。
- 師爺：但係你老母講你就快釘。
- 唐母：越係快釘之所以越要整多隻，如果而家唔食以後冇機會再食。
- 師爺：你真係就快釘？
- 唐伯虎：我真係就快釘~~
- 三人：如果而家唔食以後冇機會再食！
- 國語版：
- 唐伯虎：紅燒翅膀我喜歡吃。
- 師 爺：但是你老娘說你快升天。
- 唐 母：越快升天就越應該要拼命吃，如果現在不吃以後沒機會再吃。
- 師 爺：你真的快升天？
- 唐伯虎：我真的快升天~~
- 三 人：如果現在不吃以後沒機會再吃！
你都要十兩
編輯- 唐伯虎：嘩，你都要十兩，唔好去搶？
- 人妖：冇錯，就係搶。靚仔攞錢嚟！
- (兩人廝打，人妖被打入河中。三大才子趕來。）
- 眾人：使唔使咁重手啊？
- 唐伯虎：搶錢嘅，呢條死人妖！
- 祝枝山、文徵明：人妖？我啱啊！
- （祝枝山跳下水）
- 文徵明：真唔抵，畀佢搶先一步。
邊個夠我慘
編輯- 賣身葬冚家：你使唔使玩到咁盡啊？
- 唐伯虎：直情係曬你冷啊，吹咩？
- 賣身葬冚家：我跟你個曬冷！僕你個街啦！哎呀！哎呀！嘿嘿嘿嘿！同我玩嘢？我而家命都唔要，睇你點大我？邊個夠我慘啊？
- 唐伯虎：僆仔，你好嘢！山水有相逢啊！
新任書僮華安
編輯- 唐伯虎：順利過關成為書僮，一切都盡在我掌握中。越嚟越接近秋香姐，今日嘅心情就確係唔同啊，確係唔同！哎，兩位公子呢？
- 華文、華武：你條契弟係邊個啊？
- 唐伯虎：我係嚟負責陪兩位讀書嘅書僮啫。
- 華武：哦，就係琴晚拍台拍凳嘈住我哋瞓覺嗰條粉腸啊。
- 唐伯虎：正是。咦，兩位公子骨格精奇，能夠服侍兩位，真係萬幸。
- 華文：你呢句說話都幾啱聽，以後就當你係人噉看待啊。
- 華武：去斟茶！
- 唐伯虎：對唔住，細佬有三不做！
- 華武：乜三不做啊？
- 唐伯虎：一不斟茶遞水，二不洗衫掃地，三不鋪床摺被！
- 華武：噉即係同我哋一樣喎!
- 華文：噉你識做啲乜呀?
- 唐伯虎：我曉——嗨嗨，吹口琴，撚玉簫，炒碟靚蜆，焗個蛋撻，占卜星相就觀人於微，風流自命，竊玉偷香!
- 華武：真唔真呀？
- 華文：畀啲本事睇嚇咧。
- 唐伯虎：喺呢度……恐防不便示範喎。
- 唐伯虎：想縮沙呀?話咗你作大嘅啦。
- 華武：有本事就睇我哋兩個!
- 華文：挑！答唔出咧？
- 唐伯虎：若然我冇睇錯，兩位應該係——低能嘅！
- 華文：咁都畀你睇得出？
- 華武：我真係佩服到五體投地呀！
- 華文、華武：容許畀我哋叫你一聲大佬嗎？
- 唐伯虎：哼哼，叫唔叫唔相干嘞，以後你同我斟茶遞水，洗衫摺被就夠嘞。
- 老師（入）：誒，華文華武，你兩個跪在地上所因何事呀？
- 華文、華武：我哋拜大佬啊！
- 老師：區區一個書僮何德何能做人大佬啊？
- 唐伯虎：在下無德無能，只係開下玩笑，望老師見諒！
- 華文、華武：唔係啊，華安，我哋跟硬你嘅喇！
- 老師：年青人，你夠膽撬我啲𡃁，你邊度㗎？
- 唐伯虎：未請教！
- 老師：教上教！
- 唐伯虎：先請而後教！
- 老師：後教而先請！
- 唐伯虎：先請而先教！
- 老師：後教而後請！
- 唐伯虎：再請我就教。
- 老師：誒，唔準教！我本身原籍四水，現為華府首席西賓，手執一把扇！你係乜部門㗎？
- 唐伯虎：我原籍蘇州，現任華府一件迷途小書童，門前一對雙花齊眉棍！
- 老師：呸！你大我呀？（除衫露出紋身）
- 眾人：嘩！
- 老師：哼！我左邊龍，右邊虎，老牛在腰間，龍頭在心口，人擋殺人，佛擋殺佛！
咁串
編輯- 華夫人：以你咁好嘅才華，應該考取功名至啱㗎，點解會喺我哋華府做下人呢？
- 唐伯虎：夫人，功名於我如浮雲，在下一啲都唔稀罕。況且呢度有夫人同秋香姐對我咁好，我留喺度做死一世都抵啊。
- 華夫人：哈哈哈哈哈哈！好一個風流才子唐伯虎啊！
- 唐伯虎：啊哈哈！夫人係咪同我講緊嘢係嗎？
- 華夫人：仲詐諦？憑你高強嘅武藝，詩畫嘅才華，都估到八九成啦，我同唐家雖然有仇，不過尋日你捨身相救，夫人假假地德高望重，斷唔會恩將仇報嘅！係咪認咗佢囉！
- 唐伯虎：莫講我唔係，就算我認話係，夫人你到時反口，我都吹你唔脹亦掹你唔長，你即係明唔明我講乜啊？
- 華夫人：我明我明！不過今日唔認，總有一日要認㗎。
- 唐伯虎：噉聽日先啊。
- 華夫人：咁串？
- 唐伯虎：係啊。
- 華夫人：好！我仲諗住如果你認呢，就將秋香許配畀你添。
- 唐伯虎：係咪啊？講過嘅嘢冇得唔算數㗎！冇錯，我就係美貌與智慧並重，英雄同俠義嘅化身：唐、伯、虎！
- （家丁持械衝進來）
- 唐伯虎：夫人你！
- 華夫人：冇錯，係我反口啊。對於你呢種人，我擬得你快啲死啊！
- 唐伯虎：噓！夫人，有事慢慢講，何必動刀槍呢？
- 華夫人：嗯~！而家求我嘞咩？哈哈哈哈，唐天豪，你呢個負心人，當年我殺你唔死，今日我要殺咗你嘅仔，都要泄我心頭之恨！
- 唐伯虎：哈哈哈哈！唔好怪我坦白，就憑你一件番薯，幾件蛋散，就想攞我唐伯虎嘅命，會唔會（改用國語）開玩笑（改回粵語）咗少少啊？
一日冚包散與含笑半步釘
編輯- 華夫人：哈哈哈，我話畀你知，頭先你飲嗰啲參茶，我已經落咗天下第一奇毒「一—日—冚—包—散」！
- 唐伯虎：嚇？哈哈哈哈，天下第一奇毒，幾時輪到你哋「一日冚包散」？！應該係我哋唐家嘅「含笑半步釘」至啱！
- 華夫人：哈哈哈哈哈，廢話！我哋「一日冚包散」係用七種唔同嘅毒蟲，再加埋鶴頂紅，提煉七七四十九日而成，無色無味，殺人於無影無蹤。
- 唐伯虎：哼，我哋「含笑半步釘」係用蜂蜜，川貝，桔梗，加上天山雪蓮配製而成，無須冷藏，亦不含防腐劑，除咗毒性猛烈之外，味道仲好好添。
（兩人面對鏡頭，響起諧趣音樂，成廣告模式）
- 華夫人：食咗「一日冚包散」嘅人，一日之內會武功全失，經脈逆流，胡思亂想，以至走火入魔，最後會冚包散曬而死嘅。
- 唐伯虎：冇錯嘞！而食咗「含笑半步釘」嘅朋友，顧名思義，係不能行前半步，或者面露笑容，否則亦會全身爆炸而死。實在係居家旅行－－
- 華夫人：殺人滅口－－
- 兩人：（齊聲）必備良藥！
- 國語版：
- 我們一日喪命散是用七種不同的毒蟲，再加上了鶴頂紅，提煉了七七四十九日而成的，無色無味，殺人於無影無蹤！
- 哼！我們含笑半步癲是用蜂蜜、川貝、桔梗、加上天山雪蓮配製而成，不需冷藏，也沒有防腐劑，除了毒性猛烈之外，味道還很好吃！
- 吃了我們一日喪命散的人，一天之內會武功全失，經脈逆流，胡思亂想而致走火入魔，最後會血管爆裂而死。
- 沒有錯！而吃了含笑半步癲的朋友，顧名思義絕對不能走半步路或是面露笑容，否則也會全身爆炸而死。
- 實在是居家旅行、殺人滅口，必備良藥！
四大才子吟詩
編輯- 祝:山下一群鵝
- 徐:噓聲趕落河
- 文:落河捉鵝醫肚餓
- 唐:食完返歸鋤老婆
祝枝山向唐伯虎求救
編輯- 祝枝山：唐兄，救命呀。
- 唐伯虎：唉，睇嚟祝兄梗系輸錢輸到幹幹淨淨定嘞。
- 祝枝山：哈，生我者父母，知我者唐兄呀！
- 唐伯虎：江南四大才子之中，就以祝兄你最為灑脫，眾人皆知！所謂風吹雞蛋殼，財散人安樂，乃係祝兄你嘅座右銘呀。
- 祝枝山：過獎過獎，但比起唐兄嘅風流不羈，小弟真係有如天淵之別呀！
- 唐伯虎：哈哈哈哈，之不過，祝兄你隔夜一百幾廿兩噉輸，輸完走嚟嗌救命，長此以往，唔系辦法噃。
- 祝枝山：哎，有見地，小弟有見及此,所以破釜沉舟，一次過輸曬我一世人可以輸嘅錢，整整係三十萬兩，所以麻煩唐兄畫返三十幅畫，以嚟填債救命啊！
- 唐伯虎：明白明白。阿水，你出出去先！
- 僕人阿水：係，少爺！
- 唐伯虎（等阿水出去之後）：僕你個臭街，當呢度善堂呀？仲要畫卅幅？冇得傾！
- 祝枝山：哎呀，唔好噉啊，係我衰啊，係我衰喇。我而家叩頭認錯。你唔念嚇當年僆仔嘅時候借本《玉蒲團》畀你（目及），你都念下呢幾年嚟我同你賣畫賣到冚家富貴吖！況且出便有成幾兩友喺出便話，如果三炷香我攞唔到三十幅畫就劈開我幾碌啊！你幫唔幫先？
- 唐伯虎：三柱香？哼，嗱咪話做兄弟嘅唔睇你喇，我即管喺你靈堂同你寫副輓聯，一寫死有餘辜，一寫死不足惜！你是但揀句啦！
兵器譜排名
編輯- 唐伯虎：噉排名第一嘅係邊個呢？
- 朱茜：佢就係小李飛刀嘅娘親，可惜已經過咗身嘞！
- 唐伯虎：哦，原來就係小李老母飛刀，真可惜！
唐伯虎與船夫講數
編輯- 唐伯虎：喂，陣間開檔嘅嘞，你死人都唔好喐吖。
- 船夫：你話將賣到啲錢畀曬我，你唔好老點噃。
- 唐伯虎：以你嘅智慧，邊有人點到你啫？
- 船夫：噉又係。