家有囍事
1992年贺岁档喜剧片
| 此语录没有列出任何参考或来源。（2011年3月28日） 維基語錄所有的內容都應該可供查證。 请协助添加语录的原始出处以改善这篇语录。无法查证的内容可能被提出异议而移除。 |
台詞
编辑常歡（周星馳飾）
编辑- 一個字......絕！
- 誒！何小姐！請你暫時用你嘅人性克服住你嘅獸性，保持你嘅理智，須知我純情小DJ並唔係一個水性楊花嘅人。
- 癲婆！我又未溝過癲婆！
- 你亂講，我經常性都唔著襪嘅噃！但係我講你聽！女人呢，其實就好似呢只荷包蛋，吖嗱跳緊繩吖嗱，溝完要即刻食，食得呢，就唔好嘥！
- 啊——！嗰邊冇人嘅？……原來有人，噉都冇咁驚！
常騷（張國榮飾）
编辑- 生仔好痛㗎！
對話
编辑常歡 vs 電台同事(李偉祥飾）
编辑- 同事：果然係無敵噍完松，情場鬼見愁。嚟啊，錫一啖都好啦，好唔好啫？你一定係使出咗你嘅絕招，巴黎鐵塔反轉再反轉！喂，你益下啲街坊，過兩招嚟使下好唔好啊吓？
- 常歡：巴黎鐵塔反轉再反轉呢招之所以成為打茄輪嘅最高境界，係因為佢有不可思議嘅威力，一經施展，任何雌性嘅物體都不可倖免地將我嚟污辱。
- 同事：噉你唔好再講咁多嘞，你快啲教我啊，我好想畀人污辱㗎！
- 常歡：你唔係想畀我吓嘛？
- 同事：啋！
- 常歡：不過呢招我係唔會教人，相信亦都冇人學得到。
- 同事：噉我畢生嘅幸福咪要摧毀喺你手入便？
- 常歡：都怕係喇！
無定向喪心病狂間歇性全身機能失調症
编辑- Sheila（陳淑蘭飾）：醫生啊，佢有啲乜病徵啊？
- 醫生（周志輝飾）：哦，佢嘅病徵就包括有：抑鬱……癲癇……精神分裂……
- 常歡：邊個淫蕩啊，你淫蕩；邊個淫蕩啊，我淫蕩！
- 醫生：輕佻驕傲……
- 常歡：哼！
- 醫生：冇大冇細……
- 常滿：嘩，大嫂你都錫，你真係冇大冇細啊你！
- 醫生：就係噉喇。有犯罪傾向……
- 常歡：家陣老笠啊，除咗條底褲出嚟！唔係要錢啊，要你條底褲啊！乜話？底褲都唔著？
- 醫生：月經前緊張……
- 常歡：你玩我啊，四眼仔！
- 醫生：哦，啊，呢樣嘢啊，女病人至有嘅。不過嚴重到佢噉呢，男病人都可能會有嘅。仲有，佢會有自殺嘅傾向。
- （常歡撞櫃子）
- 眾人：阿歡！
- 常滿：誒呀，佢暈咗！
- 醫生：暈咗咪仲好！橫掂佢唔死都冇用嘅嘞。
- 常騷：喂，我問你啊，佢嗰個乜嘢無歇乜間乜性乜乜乜……
- 醫生：哦，無定向喪心病狂間歇性全身機能失調症。
- 常騷：係啊係啊！
- 醫生：你唔好心急，聽我講啊。所謂無定向呢，就即係話……啊！啊啊啊啊……大家明啦！
